Елордада Алматы қаласы әкімінің бұрынғы орынбасары Ержан Бабақұмаров ұсталған. Бұл ақпаратты Астана қалалық полиция департаментінің баспасөз қызметі растады, деп хабарлайды inbusiness.kz сайты.
"29 қаңтар күні сағат 03:15 шамасында Астана қаласының Төлебаев көшесінде полиция қызметкерлері "Toyota Land Cruiser Prado" автокөлігін тоқтатты. Медициналық тексеріс нәтижесінде жүргізушінің жеңіл дәрежедегі алкогольдік масаң күйде болғаны анықталды. ҚР ӘҚБтК-нің 608-бабының 1-бөлігіне сәйкес әкімшілік іс қозғалды. Соттың шешімімен жүргізуші 15 тәулікке әкімшілік қамауға алынып, 7 жыл мерзімге көлік жүргізу құқығынан айырылды. Бүгін жүргізуші тағайындалған жазасын толық өтеп, босатылды", - деп хабарлады қалалық ПД баспасөз қызметі редакция тілшісінің сауалына.
Айта кету керек, Ержан Бабақұмаров әр жылдары Орталық коммуникациялар қызметінің басшысы, Алматы қаласы әкімінің орынбасары лауазымдарын атқарды.
