Алматы-Ақтөбе бағытындағы жолаушылар пойызында 1966 жылы туған ер адам кенеттен қайтыс болды, деп жазады inbusiness.kz сайты.
Оқиға туралы әлеуметтік желіде куәгер болған жолаушылардың бірі жазды. Оның сөзінше, ер адамның қан қысымы көтеріліп құлаған. "Қазақстан темір жолы" қайғылы жағдай 27 сәуірде болғанын растады.
Компанияның мәліметінше, 1966 жылы туған жолаушының жағдайы аяқ астынан нашарлаған.
– Сапарға шыққан жолаушының жағдайы жол үстінде күрт нашарлаған. Пойыз бастығы алғашқы медициналық көмек көрсетіп, жедел жәрдем шақыртқан. Алайда келген дәрігерлер ер адамның қайтыс болғанын анықтаған, – деп хабарлады ҚТЖ.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
