Өңірлік коммуникациялар қызметі алаңында өткен онлайн-брифинг барысында Алматы қаласының Алмалы ауданы әкімінің орынбасары Ерден Хайруллин ауданның мониторингтік топтарының жұмысы туралы айтып берді.
Коронавирус инфекциясының одан әрі таралуына жол бермеу мақсатында Алмалы ауданының аумағында әкімдік қызметкерлері, жергілікті полиция қызметі, "Атамекен" ҰКП өкілдерінен тұратын 4 мониторингтік топ құрылды.
Мониторинг топтар биылғы жылғы 8 қазан мен 8 қараша аралығында ауданда 675 нысанды тексерді.
Тексеру нәтижелері бойынша 189 жеке тұлға маска режимін бұзғаны үшін әкімшілік жауапкершілікке тартылды. 45 нысан бойынша әкімшілік баянаттар жасалды, материалдар аудандық Тауарлар мен қызметтердің сапасы мен қауіпсіздігін бақылау басқармасына жолданды, оның ішінде 8 нысанға айыппұл салынды, қалғаны жұмыста.
Сонымен қатар биылғы жылғы 6 қарашадан 7-не қараған түні 4 ауданның (Наурызбай, Алатау, Түрксіб, Алмалы) 13 мониторингтік тобы қызметін түнгі уақытта жүзеге асыратын 58 нысанға тексеру жүргізді.
10 нысанда бұзушылықтар анықталды, материалдар ҚР ӘҚБтК-нің 425-бабына сәйкес одан әрі жауапкершілікке тарту үшін Алмалы аудандық СЭББ-на жіберілді.
1. "RedDragon" дәмханасы, (Гоголь көшесі, 87);
2. "Арена" компьютерлік клубы" (Гоголь көшесі, 58) ;
3. "Бинго" лото клубы" (Масаншы көшесі, 61);
4. "Аура" компьютерлік клубы" (Қашқар көшесі, 69);
5. "Бинго" лото клубы (Сейфуллин көшесі, 519);
6. Loto Club (Абай даңғылы, 143);
7. "Пират" дәмханасы-жұмыс режимін бұзу (Төле би көшесі, 207 а);
8. "Блэк" кафе-бары" (Назарбаев даңғылы, 57);
9. "Гранд-опера" қонақ үйі (Қабанбай батыр, 136/1);
10. "Арагоста" дәмханасы (Жамбыл көшесі, 129).
"Алматы және ауданымыздың тұрғындарына маска киіп, қоғамдық көлікте әлеуметтік қашықтықты сақтап, адамдар жаппай жиналатын орындарға бармауға кеңес берер едім. Үлкен кісілерге өз үйлеріңізден шықпаңыздар, көшеде жүруді шектеу қажет дегім келеді", – деген Е.Хайруллин тұрғындарды алдын алу шараларын сақтауға шақырды.
