Алматы халықаралық әуежайында Алматы-Пхукет бағытындағы рейс кешікті, деп хабарлайды inbusiness.kz сайты.
Желідегі мәліметке сәйкес, Алматы-Пхукет бағытындағы SCAT компаниясының 5235 рейсі сағат 01:35 ұшуы керек болған. Бірақ рейс уақыты алдымен 05:05-ке, кейін 06:10, 08:00-ге бірнеше рет шегерілген.
"Ұшу алдындағы дайындықты жүргізу кезінде қосымша техникалық қызмет көрсету қажеттілігі анықталды. Күту кезінде жолаушыларға ыстық тамақ пен сусындар беріледі. Әуе компаниясы кешіккен рейстің жолаушыларынан кешірім сұрайды", - деп хабарлады әуе компаниясынан.
Сондай-ақ SCAT жауабына сәйкес, қазір бұл рейс бойынша жолаушыларды отырғызу жүргізіліп жатыр. Ұшақ 20 минут ішінде жолға шығады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
