Орталық Азияның жетекші экономикалық орталығының бірі саналатын аймақта даму көрсеткіші айқын байқалады, деп жазады inbusiness.kz сайты.
Алматы экономикасының өсуі 2025 жылы 5,5-тен 6,4%-ке дейін жеделдетілген. 2023 жылғы рекордтық экономикалық өсімді ескере отырып, экономикалық дамудың жоғары қарқыны 9,7% деңгейінде сақталып отыр.
Орталық коммуникациялар қызметінде өткен брифинг барысында қала әкімі Ерболат Досаев өңір экономикасына тоқталып өтті.
– Мемлекет басшысының тапсырмаларын және қаламыздың даму бағдарламасын тиімді іске асыру оның экономикасының тұрақты өсуімен етумен тығыз байланысты. 2024 жылдың 11 айының қорытындысы бойынша Алматының қысқамерзімді экономикалық индикаторы 6,6%-ға дейін қарқын алды, – деді ол.
Қала әкімінің сөзінше, 2024 жылдың қорытындысымен Алматы экономикасының өсуі 5,5% деңгейінде болжануда.
Айта кетейік, былтыр Алматыда жалпы өңірлік өнімнің 24,8 трлн теңгеге дейін өсуі байқалған, бұл – соңғы 10 жылдағы рекордтық көрсеткіш. Сонымен қатар, өңдеу өнеркәсібі, сауда, қаржы және сақтандыру қызметі (+12%), ақпарат және байланыс және т.б. даму драйвері болды. Осылайша, Алматы өзінің тұрақтылығы мен жоғары әлеуеті бар Орталық Азияның жетекші экономикалық орталықтарының бірі ретіндегі мәртебесін нығайтып жатыр.
