Алматы облысы халқының азық-түлік пен алкогольсіз ішімдіктер сатып алуға ақшалай жұмсауларының үлесі 2016 жылдың 3 тоқсанында 2015 жылдың сәйкес кезеңімен салыстырғанда 0,5 пайызға артты, ал тұрмыстық заттарға – 2,1 пайызға, ақылы қызметтерге 1,3 пайызға төмендеген.
Облыстық статистика департаментінің мәліметі бойынша, 2016 жылдың 3 тоқсанында халықтың тұтыну шығыстарының жалпы көлемінен азық-түлік тауарлар сатып алуға – 50,1%, тұрмыстық тауарлар – 30,7%, ақылы қызметтер 19,2% пайдаланылған, деп хабарлайды "Казах-Зерно" АА.
Шығыстардың жалпы көлемінде азық-түліктер ішінде ет және ет өнімдері – 14,8%, ұн өнімдері және жарма – 7,2%, сүт өнімдері – 4,4% құрады.
Мамандардың айтуынша, 2016 жылдың 3 тоқсанында алдыңғы жылдың сәйкес кезеңімен салыстырғанда барлық негізгі азық-түлік топтары бойынша төмендеу байқалады: майлар – 24,5%, көкөніс - 14,7%, жеміс - 12,7%, жұмыртқа - 6,2%, ұн өнімдері мен жарма - 3,8%, балық және теңіз өнімдері - 2,7%. Жоғарлау: сүт және сүт өнімдері - 16,0%, ет және ет өнімдері - 11,0%, картоп - 5,4%, қант, джем, бал, шоколад, кондитерлік өнімдер- 1,5%.
