TAV Airports әуежайлар операторы Алматы халықаралық әуежайы басшылығымен бірге қазақстандық әуе кеңістігін сатып алу мәселесін талқылады. Сонымен қатар, оған VPE Capital басқарушы компаниясы қатысты. Groupe ADP компаниясының ( оған TAV Airports акцияларының 46,12%-ы тиесілі) мәліметтеріне сүйенсек, қос тарап жақын арада келісімге келуі мүмкін.
"Қазақстанның қаржылық орталығындағы Алматы халықаралық әуежайы - Орта Азиядағы ірі әуежай болып табылады. 2018 жылы ол 6 млн жолаушыға қызмет көрсетті. Оның ішінде жолаушылардың жартысы халықаралық бағыттар бойынша сапарға шыққандар. Қазақстан теңізге шықпайтын әлемдегі ең үлкен ел. Ол Орта Азияда ішкі жалпы өнім өсімінің 60%-ын құрайтын экономикалық даму драйвері. Осы әуежайды сатып алу Groupe ADP пен TAV Airports даму жоспарына сәйкес келеді",-деп хабарлады Groupe ADP.
Groupe ADP – әуежайларды басқаратын, дамытатын компания. Аталған холдинг құрамына Paris-Charles de Gaulle, Paris-Orly және Paris-Le Bourget әуежайлары кіреді. 2018 жылы Groupe ADP француз әуе кеңістігі арқылы 105 млн жолаушыға, өзге әуе кеңістіктері арқылы 176 млн адамға қызмет көрсеткен.
