Алматы Өңірлік коммуникациялар қызметінде Алматы қаласы Қоғамдық кеңесінің төрағасы, Алматы қаласы мәслихатының депутаты, экономика, қаржы, активтер, мемлекеттік басқару мен қоғамдық қауіпсіздікті дамыту жөніндегі тұрақты комиссияның мүшесі Алтынай Көбеева және Алматы қаласы мәслихатының депутаты, денсаулық сақтау, білім беру және жұмыспен қамту жөніндегі тұрақты комиссияның мүшесі Төлеуғали Тайтулеевтің қатысуымен брифинг өтті, деп хабарлайды inbusiness.kz.
Мәслихаттар жергілікті билік органдары ретінде мемлекет пен қоғам коммуникацияларының жаңа құрылымының маңызды бөлігі болып табылады.
Депутаттар Алматы Қоғамдық кеңесінің бекітілген жаңа құрамы туралы да айтты, оның негізі ҮЕҰ мен БАҚ өкілдерінен тұрады.
Алтынай Көбеева айтуынша, онда білім беру саласы өкілдерінің үлесі артты, сондай-ақ құрылымға көпбалалы аналар кірді.
"Мамыр айында Қоғамдық кеңестің үшінші құрамы құрылды. Оған 39 адам кірді. Егер пайыздық арақатынаста ҮЕҰ мен БАҚ үлесі 51%-ды құраса, мемлекеттік органдар үш адамды құрайды – бұл 7%. Бүгінде қоғамдық бақылаудың төрт нысаны бекітілген. Бұл қоғамдық мониторинг, қоғамдық тыңдаулар, нормативтік-құқықтық құжаттарды сараптау және мемлекеттік органдардың есептерін тыңдау", – деді спикер.
Қазірдің өзінде Қоғамдық кеңестің, Төралқаның, комиссиялардың 14 отырысы өткізіліп, онда 62 мәселе қаралды. Нормативтік-құқықтық құжаттар бойынша 17 қоғамдық мониторинг және 10 сараптама жүргізілді. Кеңеске Алматы қаласының тұрғындарынан 120-дан астам өтініш келіп түсті.
Журналистердің сұрақтарына жауап бере отырып, Төлеуғали Тайтулеев Алматы мәслихатының жұмысында қандай өзгерістер болатынын айтты.
"Қазіргі уақытта заңнамаға Мемлекет басшысы баламалы негізде ұсынған мәслихат депутаттарының қала әкімі лауазымына кемінде екі кандидатқа дауыс беру құқығын реттейтін өзгерістер енгізілді. Енді президент мәслихаттағы пікірлерді ескере отырып, облыстар мен Республикалық маңызы бар қалалардың әкімдерін тағайындайды", - деді Тайтулеев.
Атқарушы билік тармағын ауыстыру жөніндегі осы жаңашылдықтардың барлығы жоғары саяси мәдениеті бар Жаңа Қазақстанды құруға бағытталған.
