Алматы қаласының көші-қон және жергілікті полиция қызметі бірлесіп жүргізген іс-шара нәтижесінде Қазақстанға көші-қон заңнамасын өрескел бұзып келген шетелдіктер анықталды, деп жазады inbusiness.kz сайты polisia.kz порталына сілтеме жасап.
Ресми деректерге сәйкес, ЖААІ-ның бірінші күні жергілікті рейдтер барысында 112 заңсыз шетелдік анықталған. Соның ішінде, Өзбекстанның – 90, Тәжікстанның – 11, Түркияның 8 және Нигерияның 3 азаматы бар.
"52 шетелдік олардың жеке басын растайтын құжаттарсыз қабылдау-тарату орталығына орналастырылды. Көші-қон заңнамасын бұзушыларға әкімшілік шаралар қолданылды", - делінген хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
