Алматы қаласының комендатурасы қаладағы тәртіпсіздікке байланысты ақпарат таратты, деп хабарлайды inbusiness.kz тілшісі.
“Көлік иелерінен Төле би көшесін, Райымбек және Абай даңғылдарын, сондай-ақ қала орталығын айналып өтетін маршруттарды жоспарлауды, қала тұрғындарынан қазіргі уақытта жаяу жүруден және қоғамдық орындарға барудан бас тартуды сұраймыз”, – деп жазылған хабарламада.
Сондай-ақ, комендатура барлық азаматтар мен БАҚ өкілдерін тек ресми ақпараттарға сенуді сұрады.
Еске сала кетсек, Жаңаөзенде басталған бейбіт шерудің арты Алматы, Тараздағы шерулерге ұласты. Әзірге 200-ге жуық адам ұсталды. Алматы, Маңғыстау облыстары мен Алматы қаласында 19 қаңтарға дейін Төтенше жағдай жарияланды.
Құралай Құдайберген
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
