Әлеуметтік желіде Алматыда түсірілді деген видео тарады. Онда түнде Розыбақиев пен Ходжанов көшелерінің қиылысында жас жігіттер арасында төбелес болғаны айтылған.
Қалалық полиция департаменті 28 сәуір күні түнгі сағат 12:00-де Розыбақиев пен Есқараев көшелерінің қиылысында төбелес болып жатқаны туралы хабарлама түскенін мәлімдеді.
"Жедел басқару орталығының қызметкерлері оқиға орнына полицияның патрульдік экипаждарын жіберіп, құқықбұзушылықты тоқтатып, оқиғаға қатысушылардың барлығын ұстап, Бостандық аудандық полиция басқармасына жеткізді. Қазіргі уақытта ҚР ҚК-нің 293-бабы 2-бөлігі бойынша сотқа дейінгі тергеу амалдары басталды", деді Алматы полиция департаментінен.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
