/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 364,14 Brent 36,55
Алматы маңында «Алтын Орда» базары өртенді

Алматы маңында «Алтын Орда» базары өртенді

Жалынмен күреске Алматы қаласы мен Алматы облысының 20 өрт сөндірушісі және 4 техникасы жұмылдырылған.  

30 Маусым 2020 19:20 183

Алматы маңында «Алтын Орда» базары өртенді

Алматы қаласының іргесінде орналасқан «Алтын Орда» базарынан өрт шықты, деп хабарлайды Алматы облыстық Төтенше жағдайлар департаментінің баспасөз қызметі.

«30 маусым күні сағат 16:23-те Қарасай ауданы, Алматы-Ташкент автожолының 15-шақырымында орналасқан «Алтын Орда» базарында асхана өртеніп жатқандығы жөнінде хабарлама түсті. Қызыл жалынның таралуы сағат 17:00-де тоқтатылып, 17:33-те толығымен сөндірілді. Алдын ала болжам бойынша, тілсіз жау 240 шаршы метр жерді (асхананың аумағы және металдыпластиктен жасалған сауда павильондары) шарпыған. Өрттің шығу себебі анықталуда», – делінген хабарламада.

Елордада жер үйде газ баллоны жарылып, қызыл жалын көрші коттеджді шарпыды

Өртті сөндіруге 8 арнайы техника мен жеке құрамнан 33 адам тартылған.  

04 Маусым 2020 20:44 136

Елордада жер үйде газ баллоны жарылып, қызыл жалын көрші коттеджді шарпыды

Өрт сөндірушілер қазір тілсіз жаумен күресіп жатыр, деп хабарлайды ҚазАқпарат.

«Бүгін сағат 17.47 уақытында «101» пультіне Жангелдин көшесі, 31/4 мекенжайындағы жер үйден өрт шыққаны туралы хабарлама келіп түсті. Нұр-Сұлтан қаласының ТЖД өрт сөндіру бөлімшесінің қызметкерлері оқиға орнына 4 минутта жетті. Өрт сөндірушілер келген кезде қызыл жалын едәуір үдеп кеткен еді. Белгілі болғандай, газ баллоны жарылып, артынша тілсіз жау сол үйдің жанындағы коттеджді де шарпып кеткен» деп хабарлайды департаменттен.

Қазіргі уақытта өрт сөндірушілер өртті сөндіріп жатыр. Тілсіз жауды ауыздықтауға қосымша күш те жұмылдырылған. Зардап шеккендер жоқ.

Өзен арнасынан жасөспірімнің мәйіті табылды

29 шілде күні Үштөбе қаласының маңында Қаратал өзеніне шомылуға кеткен 13 жасар Иса Бекбаев із-түссіз жоғалған еді.

22 Қазан 2018 12:17 375

Өзен арнасынан жасөспірімнің мәйіті табылды

Алматы облысында суға батып кеткен баланың денесі 4 айдан кейін табылды, деп хабарлайды Алматы облысы полиция департаментінің баспасөз қызметі.

2018 жылы 29 шілде күні Үштөбе қаласының маңында Қаратал өзеніне шомылуға кеткен 13 жасар Иса Бекбаев із-түссіз жоғалған.

Полицияның жеке құрамы, төтенше жағдай қызметі, баланың туған-туыстары және еріктілер тарапынан бірнеше мәрте ұйымдастырылған ауқымды іздеу жұмыстары оң нәтиже бермеген.

21 қазан күні оқиға орнынан үш шақырымда орналасқан Қожбан ауылының тұсында өзен арнасынан жасөспірімнің мәйіті табылды.

«Баланың мәйітін туыстары таныды. Қазіргі таңда осындай жағдайларда жүргізілуге тиіс сот-медициналық сараптамасы тағайындалды. Сараптама қорытындысы баланың неден қайтыс болғанын анықтайды. Бастапқы нұсқа бойынша жасөспірім суға батып кеткен. Бұл туралы куәгер де айтқан болатын»,- деп хабарлайды полиция департаменті.