Алматы маңындағы маршруттар 12 қаңтардан бастап іске қосылады, деп хабарлайды inbusiness.kz.
"12 қаңтар қала маңына қатынайтын барлық бағыттарды, троллейбустарды іске қосуды жоспарлап отырмыз. Олар сағат 9.00-ден 18.00-ге дейін жұмыс істейді. Ал алыстағы ауылдарға қатынас әлі жанданған жоқ", – деді қалалық мобильділік басқармасының басшысы Ғани Мұрзаханов.
Ал 11 қаңтар ХҚКО жұмыс істей бастады.
"11 қаңтарда Алматыда Халыққа қызмет көрсету орталықтары жұмысын жандандырды. Клиенттерге жеке куәліктерді, төлқұжаттарды және көші-қон қызметтерін тіркеуден басқа барлық қызметтер қолжетімді. Жұмыс уақыты: дүйсенбіден жұмаға дейін 09:00-ден 18:00-ге дейін", – деп хабарлады құзырлы ведомство.
Алайда республика бойынша арнайы ХҚКО-лардың қызметі уақытша тоқтатылды. Сондықтан Қазақстан Республикасы Ішкі істер министрлігі Әкімшілік полиция комитетінің қызметкерлері басқа тапсырмаларды орындауға ауыстырылды.
Қазіргі уақытта ХҚКО-лар тек Алматы облысында жұмыс істемейді.
Құралай Құдайберген
