Алматы Tourism Bureau мен жапониялық Rakuten Sports спорттық және оқиғалық туризм саласындағы ынтымақтастық туралы меморандумға қол қойды, деп хабарлайды inbusiness.kz сайты.
Құжатқа Rakuten Sports делегациясының Алматыға сапары барысында қол қойылды. Кездесуде халықаралық спорттық іс-шаралар мен турнирлерді Алматыда өткізу, сондай-ақ оларды шетелдік нарықтарда таныту мәселелері талқыланды.
Тараптар бірлескен жобаларды дамыту, тәжірибе және ақпарат алмасу, кәсіби байланыстарды нығайту бағыттарын қарастырды.
Rakuten Sports Жапонияның Rakuten Group технологиялық тобының құрамына кіреді. Компания кәсіби спорт клубтарымен серіктестік орнатып, спорт саласындағы халықаралық жобаларға қатысқан.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
