Метрополитен таратқан мәліметке сәйкес, бұл баламалы төлем түрі жолаушыларға интернетке қосылмай-ақ Onay мобильді қосымшасы арқылы жолақы төлеуге мүмкіндік береді, деп жазады inbusiness.kz сайты.
Жаңа шешім жерасты инфрақұрылымының ерекшеліктерін ескере отырып әзірленген және метро қызметін барынша ыңғайлы етуге бағытталған.
"Алматы метросы – қаланың көлік жүйесінің маңызды бөлігі. Күн сайын метроны 100 мыңнан астам жолаушы пайдаланады. Олардың 65%-дан астамы Onay бірыңғай көлік картасы арқылы төлем жасайды. QR арқылы төлеу – қосымша мүмкіндік қана, ал қолданыстағы барлық төлем тәсілдері бұрынғыдай қолжетімді болады", – деп хабарлады метрополитен өкілдері.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
