"Арай" саябағын қайта жаңғырту бойынша ауқымды құрылыс жұмыстары басталды. Астананың мерейтойы қарсаңында аталмыш қарапайым саябақ тұрғындарды жаңа көрінісімен таң қалдыратын болады. Алматының дизайнерлері қандай керемет ойлап тапқаны жайлы BI Group холдингінің жоба жетекшісі Дәурен Әлжасаров айтты, деп хабарлайды Елорда инфо.
Астананың 20 жылдығына орай Алматы облысы BI Group холдингімен бірлесіп "Арай" саябағын абаттандыру бойынша қайта жөндеу жобасын жүзеге асыруда. Сонымен қатар саябақтың сыртқы келбетмен бірге оның атауы да "Жетісу" болып өзгереді.
Аумағы 15 гектар болатын саябақты жетілдіру жобасы бойынша төрт негізгі аймақты құру жоспарланып отыр. Біріншісі - тыныш серуенге өте ыңғайлы. Бұдан әрі орталық аллея және артында балалар ойын алаңы мен тамақтану аймағы, одан ары автотұрақ аймағы орналасады. Сондай-ақ, саябақта ұзындығы 1,5 км болатын велосипедшілердің және жүгіру жолдары болады.
"Саябақта арка, кіреберіс бар, бас субұрқақпен фонтан, Алматы облысының символы бар "Апорт" алаңы - тауларға, павильондар мен киіз үйлерге апаратын төбеден тұрады. Әр түрлі жастағы балаларға арналған ойын алаңшалары бар Тәңір алаңы болады. Тамғалы тастың петроглифтері бар күл шырынын және тастарды, Шарын шатқалы пайда болмақ және саябақта амфитеатр салынады", - деді Дәурен Әлжасаров.
"Шаршы алаңда Балқаш көліне келіп құятын ағаш еден ретінде төселген сәндік ағын салынады. Ұлы Жібек жолы орталықтан өтеді. Кіреберіске дейін қонақтарды керуеншісі бар керуенді қарсы алады. Жетісуды білдіретін кіреберіс жеті аркадан тұрады", - деді ол.
Жобаның менеджері сонымен қатар ерекше қажеттіліктері бар балаларға арналған балалар ойын алаңдарын орнататындығын атап өтті.
Қысқы уақытта мұз айдыны ретінде жұмыс істейтін роллердром салу көзделген. Онда жыл бойы роликт, коньки және велосипедтерді жалға беру пукнтері болады. Әдеттегі ойын алаңдары мен трамплиндерден басқа, төбесі резинамен қапталған толқынды рельефтер салынады, бұл жарақат ықтималдығын азайтады.
Парктің ортасында Wifi ағашы орнатылады. Ол күн энергиясының есебінен қуатталатын болды. Сондай-ақ саябаққа келген адамдар электронды құралдарын қуаттай алатын болады.
Осы саябақтың артықшылықтарының бірі үш модульдік дәретхананың болуы.
Саябақты қайта жөңдеу кезінде бейнебақылау мен дабыл жүйесі ұмыт қалмады. Қауіпсіздікті on-line режимінде кезекші күзет қызметкерлері бақылайды. Түнде саябақ 380 шаммен жарықтандырылады.
Қайта құру жұмыстарын 2018 жылдың 30 маусымында аяқтау жоспарлануда. Бұл ауқымды жобаның құны 3 млрд теңгені құрайды және оны Алматы облысының әкімдігі қаржыландырады.
