/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 404,65 Brent 36,55
Алматы облысында 3 адам кәріз құдығына түсіп қаза тапты

Алматы облысында 3 адам кәріз құдығына түсіп қаза тапты

 Бір ай бұрын ғана осы Алматы облысында 3 адамның ажалы кәріз құдығынан келген еді. 

29 Тамыз 2018 09:34 653

Алматы облысында 3 адам кәріз құдығына түсіп қаза тапты

Алматы облысында 3 адам кәріз құдығына түсіп қаза тапты, деп хабарлайды КТК.

Қайғылы оқиға Қапшағай қаласында болған. Облыстық төтенше жағдайлар департаментінің дерегінше, «Қапшағай Су құбыры» мекемесінің 3 қызметкері кәріз құдығын тазарту жұмыстарын жүргізіп жатыпты. Алдын ала болжам бойынша үшеуі де метан газының бөлінуінен уланып, сол сәтінде тілге келмей жан тапсырған. Құдықтағы қызметкерлердің мәйітін тек төтеншеліктердің көмегімен шығару мүмкін болған.

Естеріңізге салсақ,  бір ай бұрын ғана осы Алматы облысында 3 адамның ажалы кәріз құдығынан  келген еді. Шелек ауылының орталық ауруханасы аумағындағы кәріз суы жиналатын шұңқырға  екі сантехник пен бір медицина қызметкері түсіп, газға тұншығып көз жұмған еді.

Қарағандыда 3 адам құдыққа құлап, көз жұмды

29 жастағы ер адам сол жерде жан тапсырған, ал екеуі ауруханада көз жұмды.

16 Шілде 2019 13:57 314

Қарағандыда 3 адам құдыққа құлап, көз жұмды

Кәріз құдығына құлағандардың бірі көз жұмғаны бұған дейін хабарланған болатын.  Ал өзге екі адам жансақтау бөліміне жатқызылып еді. 

Еске сала кетсек, оқыс оқиға бүгін түнде болған. Қарағанды қаласының ТЖ қызметіне тұрғын үйдің жанындағы кәріз стансасының құдығына ер адам құлап кеткені туралы хабарланған. Белгілі болғандай, 59 жастағы қарағандылық кәріз құдығын тазаламақ болып, төменге түскен. Сол кезде тереңдігі 6 метр жерге құлап кеткен. Оны құтқармақ болып соңынан ұлы мен көршісі түскен. Дегенмен, олар ер адамға өз күштерімен көмек көрсете алмаған. Құтқару қызметі шақырылыпты. Екі адам аман-есен шығарылып, жергілікті ауруханаға жатқызылған болатын. Өкінішке қарай, дәрігерлер оларды аман алып қала алмады. 

Қарағандыда 29 жастағы ер адам кәріз суына батып кетті

Құдыққа құлаған әкесін құтқармақ болған жігіт өзі мерт болды.

16 Шілде 2019 12:47 241

Қарағандыда 29 жастағы ер адам кәріз суына батып кетті

Қарағандыда құдыққа түсіп кеткен әкесін құтқармақ болған жігіт өзі кәріз суына батып кеткен. Қайғылы оқиға түнде болған, деп хабарлайды ҚазАқпарат.

16 шілде түнде сағат 03:58-де Қарағанды қаласының ТЖ қызметіне Бурабай көшесі бойында №92 тұрғын үйдің жанындағы кәріз суын жинауға және соруға арналған қосалқы станцияда ер адам құлап кеткені туралы хабарлама келіп түсті. Белгілі болғандай, 59 жастағы қарағандылық кәріз құдығын тазалағысы келген. Алайда, абайсызда тереңдігі 6 метрлік құдыққа құлап кеткен. Үй иесін құтқару үшін оның ұлы мен көршісі құдыққа түскен. Дегенмен, олар ер адамды өз күшімен шығара алмаған. Құтқару үшін ТЖ қызметкерлері шақырылды.

Сағат 04:53 және 05:02-де ТЖД күшімен үй иесі мен оның көршісі құтқарылып, медициналық мекемеге жатқызылды.

«Екі ер адам (1960 және 1989 жылдары туған) Х. Мақажанов атындағы облыстық травматология және ортопедия орталығының жансақтау бөліміне жатқызылды. Зардап шеккендердің жағдайы ауыр деп бағалануда», – деп хабарлады Қарағанды облысы денсаулық сақтау басқармасының баспасөз қызметі.

Өкінішке қарай, үй иесінің ұлын аман алып қалу мүмкін болмады. Сағат 06:30-да ТЖД және «Қарағанды Су» ЖШС күшімен 29 жастағы ер адамның денесі табылып, сыртқа шығарылды.