Алматы облысы, Боралдай ауылында жантүршігерлік оқиға болды. 2 қазанда кешке әйел өзінің кәмелетке толмаған, мүмкіндігі шектеулі баласын өлімші етіп сабаған. Қайғылы жағдайдың себебі мен мән-жайы әлі анықталып жатыр, деп хабарлайды inbusiness.kz сайты.
Оқиға орнына келген полиция қызметкерлері күдіктіні дереу ұстады. Анасы уақытша ұстау изоляторына қамауға алынып, тергеу басталды. Қылмыстың нақты себептері мен мән-жайлары әлі белгісіз.
Алматы облысы Полиция департаментінің баспасөз қызметі оқиғаға қатысты былай деп мәлімдеді:
"Бұл дерек бойынша полиция қылмыстық іс қозғады. Күдікті ұсталып, уақытша ұстау изоляторына қамауға алынды. Қазір қылмыстың барлық мән-жайын объектив зерттеуге бағытталған қажет тергеу әрекеттері жүргізіліп жатыр", - делінген хабарламада.
