Төтенше жағдайлар департаментінің хабарлауынша, 52 жастағы үй иесі мен оның 3 ұлы ұйықтап жатып уланған. Бәрі көз жұмды. Ал марқұмның әйелі бұл сәтте үйде болмаған екен.
Отбасы 2 ай бұрын Тараз қаласынан көшіп келген. Қаза тапқан балалардың 49 жасар анасы Іле ауданындағы мектептердің бірінде аспаз болып жұмыс істейді.
"6 қазан күні таңғы сағат 5-те жолдасы әйелін жұмысқа апарып, үйдегі ұлдарына қайтып келген. Жұмыстан кейін үйге оралған әйел шамамен сағат 16.00-де ұлдары мен күйеуінің денесін тапқан", – деп атап өтті ведомстводан.
Анықталғандай, ер адам үйіндегі газ-пешіне 25 литрлік газ баллонын өз қолымен қосып алған. Қазір аталған факт бойынша тексеру жүргізіліп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
