Оқиға 27 мамыр күні Еңбекшіқазақ ауданы Ташкенсаз ауылында болған, деп хабарлайды inbusiness.kz ҚР ТЖМ баспасөз қызметіне сілтеме жасап.
Баланы күйік шалғаны туралы хабарлама Алматы облысы ТЖД кезекші бөліміне сағат 18.40-та түскен.
ҚР ТЖМ мәліметінше,екі бала жеке тұрғын үйдің ауласында ойнап жүріп, балалардың бірі бензин құтысының жанында сіріңке жаққан.
Салдарынан үш жасар баланың мойын, арқа, бөксе, оң иық аймағын 20-29% термиялық күйік шалған.
"Бала Еңбекшіқазақ ауданының орталық ауруханасының жансақтау бөліміне жатқызылды", деп хабарлады Алматы облысы ТЖД баспасөз қызметі.
ТЖД қызметкерлері мынандай қарапайым өрт қауіпсіздігі ережелерін сақтауға кеңес берді:
балаларды қараусыз қалдырмаңыз;
жанғыш заттары бар канистрлерді балалардың қолы жететін жерлерде сақтауға болмайды;
балаларға сіріңке ойыншық емес екендігі туралы балалармен түсіндірме әңгімелер жүргізіңіз;
өрт қауіпсіздігі ережелерін сақтаңыз.
