Бұл туралы Төтенше жағдайлар комитетінің баспасөз қызметі хабарлады.
"Қазіргі уақытта оқиға орнында Алматы облысы ТЖД жеке құрамынан 40 адам, 8 техника, Іле ауданы әкімшілігінен 26 адам, сондай-ақ 10 су тасушы техника, 3 бульдозер, 3 тиегіш, 5 қоқыс тасушы көлік жұмыс істеп жатыр", – деп жазылған хабарламада.
Өрт 3 гектар аумақты шалған. Ал жалпы қоқыс полигонының аумағы 38 гектарды құрайды.
"Өрт орнында үздіксіз су берілуде. Сонымен қатар қазіргі уақытта жану ошақтарын қайта құнарландыру және топырақпен жабу шаралары жүргізілуде", – деп жазылған хабарламада.
Еске сала кетсек, 10 маусымда сағат 14:00 шамасында Алматы облысын Іле ауданындағы "Алматы-Өскемен" тас жолының жанындағы тұрмыстық қалдықтар полигонынан өрт шыққан болатын.
Құралай Құдайберген
