Алматы облысында жантүршігерлік көлік апатынан 5 адам оқиға орнында көз жұмды. Тағы 7 адам түрлі дене жарақатымен ауруханаға жеткізілді, деп хабарлайды ҚазАқпарат.
Оқиға 2 шілдеде, күндізгі сағат бір мен екі шамасында Райымбек ауданында болған. "Кеген-Нарынқол" тас жолында екі жеңіл автокөлік бетпе-бет соқтығысып, салдарынан 5 адам қаза тапты.
"Қазір аталған факті бойынша ҚР ҚК 345-бабы, 4-бөлігі бойынша іс қозғалып, қажетті сараптамалар тағайындалды. Аталған факті Алматы облыстық Анықтау басқармасының өндірісінде", - деп мәлім етті облыстық ІІД баспасөз қызметінің өкілі Көбейхан Нұрахмет.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
