Алматы облысында жұмыс орнында медбикеге қастандық жасалды.
Polisia.kz мәліметінше, оқиға сағат 17:00 шамасында болған. Алматы облысы Қарасай ауданының ауруханасына 45 жастағы әйел кеуде қуысы жарақатымен келіп түскен. Өкінішке қарай, оны құтқару мүмкін болмады.
"Факт ҚР ҚК "Кісі өлтіру" 99-бабы бойынша аудандық полицияның ЕҚДБ-да тіркелді. Күдікті ретінде 42 жастағы ер адам - Кошмамбет ауылының тұрғыны ұсталды. Сот-медициналық сараптамасы тағайындалып, тергеу іс-шаралары басталды. Ұсталған адамның айтуынша, кісі өлтіру жеке қарым-қатынас аясында болған", - делінген полиция хабарламасында.
ҚР ҚІЖК-нің 201-бабына сәйкес, өзге ақпарат жария етілмейді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
