Алматы облысының Талғар ауданында сырғыма түсті.
Жағдаймен танысу үшін оқиға орнына Алматы облысының әкімі Марат Сұлтанғазиев пен Талғар ауданының әкімі Танат Айдарбеков барды.
Алматы облыстық Төтөнше жағдайлар департаментінің мәліметінше, 23 наурыз күні сағат 00:20-да Талғар ауданының Бесағаш ауылындағы "Бурабай" коттедж қалашығында ауа райының тұрақсыздығына байланысты топырақ батпақтанып, салдарынан тау баурайынан екі жеке тұрғын үйдің аумағына сырғыма түскен.
"Түскен топырақ үйдің терезесін сындырып, зақым келтірді. Сырғыманың болжамды көлемі 500 текше метр. Құрбандар мен зардап шеккендер жоқ. Екі үйде 9 адам тұрады", - деп хабарлады департаменттен.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
