Алматы облысында тұрғын үйге баса-көктеп кіріп, балаларға шабуыл жасаған ер адамға қатысты үкім шығарылды, деп хабарлайды inbusiness.kz сайты.
Оқиға өткен жылдың ақпанында болған. Ер адам Алматы облысының Жамбыл ауылындағы үйге заңсыз кіріп, үйдегі балаларға шабуыл жасаған. Бұл оқиға қоғамда үлкен резонанс туғызған болатын.
Алматы облысы Жамбыл ауданының прокуратурасының дерегінше, сотқа дейінгі тергеу барысында кішкентай қызға қатысты "Зорлау" бабы расталған.
"Кәмелеттік жасқа жетпеген баланы зорлау дерегі анықталды. Қорытындыға сәйкес, қылмыстық іс мәні бойынша қарау үшін Алматы облысының қылмыстық істер жөніндегі мамандандырылған ауданаралық сотына жолданды. Сот үкімімен сотталушы И.Б.Н. 21 жылға бас бостандығынан айыру жазасына кесілді", – делінген хабарламада.
Сот актісі заңды күшіне енген.
Ведомствоның хабарлауынша, айыпталушыға қатысты сот отырысы жабық өткен.
