Алматы облысында ВИЧ инфекциясын жұқтырған 9 жастағы бала комаға түсіп, ауруханада көз жұмды, деп хабарлайды inbusiness.kz сайты qazaqstan.tv-ға сілтеме жасап.
Дәрігерлердің айтуынша, балаға ата-анасы қажетті дәрі-дәрмекті бермеген, соның салдарынан қайтыс болған. Шамамен бір ай бұрын баланың денсаулығы күрт нашарлап, ауруханаға жеткізілген. Алайда баланың жағдайы нашарлай берген.
Айта кетейік, баланың ата-анасына 2016 жылы ВИЧ диаогнозы қойылған. Сол кезде-ақ нәрестені анасы енесінің қатаң нұсқауымен емізген, дейді мамандар.
"Оның ата-анасының диагнозы 2016 жылдап бастап бізде тіркелді. Осы баланың да біз диагнозын 2016 жылы қойдық. Бала мен ата-анасы біздің орталықта есепте тұрды. Бірақ ата-анасы да әжесі де осы диагнозды қабылдаған жоқ. Осы диагноз оларда жоқ деп айтып, бізде ем алған жоқ. динамикалық бақылауға ем алмаған бала", - дейді қазақ дермотология және инфекциялық аурулар ғылыми орталығы клиникалық мониторинг бөлімінің меңгерушісі Сайрангүл Қасымбекова.
