Алматы облысында полицейлер мектеп түлектері үшін кортеж ұйымдастырған адамдарды анықтап, жауапқа тартты, деп хабарлайды inbusiness.kz порталы ІІМ ақпараттық сайтына сілтеме жасап.
Әлеуметтік желіде 4 көліктен тұратын кортеждің жол ережесін өрескел бұзғаны түсірілген видео тараған болатын. Полиция оқиға Алматы-Бішкек тасжолында болғанын жеткізді.
Полицейлер оқиғаға қатысы бар күдіктілерді ұстаған.
"Олар – 17-22 жастағы Жамбыл облысының тумалары. 4 көлік айыппұл тұрағына қойылды. Жол ережесін өрескел бұзған жүргізушілерге қатысты бірнеше әкімшілік хаттама толтырылды. Жүргізушілердің екеуі кәлеметке толмаған", - деп жазылған хабарламада.
Бұл факт бойынша барлығы 15 хаттама толтырылған.
Кәмелетке толмағандардың ата-аналарымен профилактикалық әңгіме жүргізіліп жатыр.
