Алматы облысында жолдың жүру бөлігінде көкпар ойындарын ұйымдастырғандар жауапқа тартылды, деп хабарлайды inbusiness.kz сайты.
Облыстық полиция департаментінің дерегінше, желіге жүргізілген мониторинг барысында Еңбекшіқазақ ауданының жолдарындағы шабандоз тобының жол қозғалысы ережелерін өрескел бұзу фактісі анықталды.
"Құқық бұзушыларды аудандық полиция қызметкерлері анықтап, бөлімшеге жеткізді. Жаяу жүргіншілер мен жол қозғалысының өзге де қатысушылары қозғалыс ережелерін бұзғаны үшін ер адамдар әкімшілік жауапкершілікке тартылды. Ұйымдастырушы Еңбекшіқазақ аудандық сотымен 7 тәулікке, ал төрт қатысушы 5 тәулікке әкімшілік қамауға алынды, қалғандары айыппұл арқалады", – делінген хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
