Алматы облысы Іле ауданы Боралдай ауылында жүк көлігі қазылған шұңқырға құлап түсті.
Облыстық полиция департаментінің мәліметінше, жер қазу жұмыстары кезінде самосвалдың траншеяға құлауына байланысты тексеру жүргізіліп жатыр.
– Алдын ала деректер бойынша, су құбыры тарту барысында топырақ опырылған. Кейін жұмысты ашық әдіспен жалғастыру туралы шешім қабылданған. Қыркүйектің 25-іне қараған түні автожолдың бір бөлігі уақытша жабылды. Алайда көп ұзамай жөндеу жұмыстарына арналған ыстық асфальтты жеткізіп келе жатқан самосвал қазылған орға түсіп кеткен, – деді полиция өкілдері.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
