Алматы облысында жүргізуші көшеде жолдан өтіп бара жатқан ер адамды пышақтап тастады.
Оқиға 1 маусым күндізгі уақытта орын алған.
Алматы облысы полиция департаментінің дерегінше, 1 маусым 1967 жылы туған ер адам пышақ жарақатымен ауруханаға жеткізілген.
"Бұл дерек Қылмыстық кодекстің 106-бабы, 1-бөлігі "Денсаулыққа қасақана ауыр зиян келтіру" бойынша тіркелді", –
Оқиғаның видеосы әлеуметтік желіде тарады.
Куәгерлердің айтуынша, жәбірленуші жолды кесіп өтпек болған, сол кезде өтіп бара жатқан көлік жүргізушісімен жанжал туған.
"Жедел-іздестіру шаралары барысында күдікті 61 жастағы тұрғын ұсталды. Жанжалға Ұзынағаш ауылындағы көшелердің бірінде жәбірленуші мен күдікті арасындағы ауызша кикілжің себеп болғаны анықталды", - деп хабарлады полиция.
Қазіргі уақытта қылмыстың мән-жайы анықталуда.
