Алматы облысы Гүлдала ауылындағы жеке үйлердің бірінде болған газ жарылысынан зардап шеккен тағы бір адам қаза тапты, деп хабарлайды inbusiness.kz сайты.
"Ауыр жарақат салдарынан кеше 1991 жылы туған науқас ауруханада қайтыс болған еді, ал 2003 жылы туған қыз бүгін түнде есін жимастан жан тапсырды, денесін 3-4 дәрежелі күйік шалған", - деп хабарлады аурухананың баспасөз қызметі.
Еске салайық, 17 желтоқсан күні сағат 06:15-те Гүлдала ауылы Байтұрсынов көшесі, 67 және сағат 08:20-да Сүйінбай көшесі, 34 мекенжайындағы жеке тұрғын үйлерде газ-ауа қоспасының өршуінен газ жарылған еді. Жарылыс салдарынан 4 адам зардап шегіп, ауруханаға жатқызылған болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
