Алматы облысының құс фабрикаларына 5,2 млрд теңге көлемінде субсидия берілді. Бұл туралы облыстық ауыл шаруашылығы басқармасына сілтемемен LS хабарлайды.
Бұл субсидия аймақтағы сегіз құс фабрикасына бөлінген.
Қаражат тағамдық жұмыртқа (1,2 млрд теңге) мен құс етін өндіруге (3,7 млрд теңге), балапан сатып алуға (2,8 млн теңге) шығындарды төмендету үшін пайдаланылады.
Еске сала кетсек, Алматы облысының бюджетінде қаржы жетпегендіктен, Алматы облысының құс фабрикаларына биылғы жылдың сәуірінен бастап субсидиялардің төленуі тоқтатылған еді. Осы тұста республиканың басқа облыстарындағы құс шаруашылықтары уақытылы түрде мемлекеттік қолдауға ие болып келді. Осыған байланысты Алматы облысы құс шаруашылығы кәсіпорындарының өкілдері наразылық білдіріп, субсидия берілуін сұраған болатын.
