Орман алқаптары мен мемлекеттік саябақтарда өрттің алдын алу мақсатында ҚР ТЖ Министрлігінің, Алматы облысы ТЖД нұсқауы бойынша Кеген, Еңбекшіқазақ, Талғар және Қарасай аудандарында 4 өрт сөндіру бекеті құрылды, деп хабарлайды inbusiness.kz тілшісі.
Бұл бекеттер орман алқаптарында өрт пайда болған жағдайда жедел ден қоюға және оларды жоюға арналған.
Олардың екеуінде Алматы облысы ТЖД қызметкерлері, қалғандарына №28237 әскери бөлімнің қызметкерлері кезекшілік етеді.
"Кеген, Еңбекшіқазақ аудандарындағы бекеттерде Алматы облысы ТЖД 4 қызметкері мен 1 бірлік техникасы кезекшілікте болады. Іле-Алатау ұлттық паркінің аумағында Қарасай ауданының Уезковое шатқалында 30 адам және 8 бірлік техникадан тұратын №28237 жж 30 әскери қызметшісі кезекшілік етеді. Іле-Алатау ұлттық паркінің аумағында Талғар ауданы Маралсай шатқалында 2 қызметкер және Талғар қ. МӨС-2 техникасының 1 бірлігі, Маралсайда 28 әскери қызметші және №28237 жж техникасының 6 бірлігі кезекшілік етеді", - делінген хабарламада.
Әскери қызметшілер ықтимал жануды сөндіру үшін шанц құралдарымен және барлық қажетті құрал-саймандармен қамтамасыз етілген.
