Алматыдағы Аюсай сарқырамасы маңында екі турист өздігінен таудан түсе алмай, құтқарушылардың көмегіне жүгінді, деп хабарлайды inbusiness.kz сайты.
Оқиға теңіз деңгейінен шамамен 2 500 метр биіктікте болған. Оқиға орнына Алматы қаласының Мониторинг және жедел әрекет ету орталығының құтқарушылары аттанып, туристерді қарсы алды.
Құтқарушылар олардың қауіпсіз түрде төмен түсуін ұйымдастырып, "Аюсай" визит-орталығына дейін жеткізді.
Туристерге медициналық көмек қажет болмаған.
Мамандар тауға шығар алдында ауа райын ескеріп, маршрутты алдын ала жоспарлауды және өз мүмкіндігін дұрыс бағалауды ескертеді. Сондай-ақ қауіпсіздік талаптарын сақтап, таулы аймақта абай болуға шақырады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
