Жауын-шашынға, қар жамылғысының тұрақсыз күйіне және кей жерлерде 120 сантиметрге жететін қар биіктігіне байланысты құтқарушылар қар басқан беткейлерге шықпауға шақырады.
"Халықтың қауіпсіздігін қамтамасыз ету үшін "Қазселденқорғау" басқармасының күштері Шымбұлақ-Эдельвейс тас жолының Медеу бөгетінің үстіндегі жол учаскесінде бөгет орнатты", – деп хабарлады Алматы төтенше жағдайлар департаменті.
Ведомствода аймақтың таулы бөлігіндегі қар көшкіні жиілігі мен жойқын әсері бойынша ең қауіпті табиғат құбылыстарының бірі болып саналатынын атап өтті. Қар көшкіндері орасан зор жойқын күшке ие, олардың қозғалысының максималды жылдамдығы сағатына 80 шақырымға жетуі мүмкін. 24 қарашадан бері Алматының таулы аймақтарында өздігінен қар көшкінінің 14 оқиғасы тіркелді. Құрбандар мен зардап шеккендер жоқ.
"Қазгидромет" республикалық мемлекеттік кәсіпорны мен "Қазселденқорғау" ММ-нің бекеттері қар көшкіні жағдайына тұрақты мониторинг жүргізеді. Профилактикалық түсірулер "Қазгидромет" РМК ұсыныстары негізінде, қауіпсіздік ережелерін сақтай отырып, қолайлы ауа райы жағдайында жүргізіледі.
Алматы облысында 165 қар көшкіні жиналатын учаскелер бар, оның 18-і Медеу ЭСК, Шымбұлақ тау шаңғысы курорты және Үлкен Алматы көлінің аумағында орналасқан.
