Алматы тауларында қар көшкіні астында қалып қойған екі шаңғышының бірі қайтыс болды. Бұл туралы Алматы қаласының құтқару қызметі хабарлады.
"15 қазанда сағат 17.20-да Алматы қаласы әкімдігінің "Тұйықсу" ММ-нің 109 жасағының құтқарушылары қар көшкіні салдарынан қаза тапқан азаматтың денесін алып кету үшін Тұйықсу шыңының сол жақ бөлігіне көтерілді", - деп жазылған хабарламада.
Белгілі болғандай, Р. мен К. есімді азаматтар Тұйықсу мұздығында шаңғы тепкен.
"Қ. алдымен шаңғымен түсіп, қар көшкінінің салдарынан қар астында қалып қойды, екінші азамат сол жерге қауіпсіз еңіспен түсіп, оны қар құрсауынан алып шықты", - деп хабарлады құтқарушылар.
Құтқару қызметінің мамандары мәйітті Шымбұлаққа түсіріп, кейін Медеу аудандық полиция бөлімінің жедел тобына тапсырды. Екінші жәбірленушінің жағдайы қанағаттанарлық. Оқиғаның жай-жапсары тергеу шараларынан кейін нақтыланады.
