Алматы тауларында жоғалып кеткен ресейлік альпинистің денесі табылды, деп жазады inbusiness.kz ТЖМ баспасөз қызметіне сілтеме жасап.
39 жастағы турист Шымбұлақ-Талғар асуы (3163 м) - Богданович мұздығы (3500 м) - Абай шыңы (4010 м) бағытын жалғыз өзі еңсермек болған.
Төтенше жағдай министрлігінің мәліметінше, ол достарына 5 тамыз күні сағат 21.00-де қалаға оралатынын ескертеді. Алайда белгіленген уақытта байланысқа шықпаған.
"Таудағы климаттың күрделілігіне, тау маршрутының ерекшеліктеріне, тастың құлауына және жартасты рельефке қарамастан іздеу-құтқару жұмыстары тәулік бойы жүргізілді. Ер адамның жеке бас деректері анықталуда", - делінген хабарламада.
Ведомство тауға жалғыз шықпауды ұсынады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
