Алматыда коммуналдық қызметкерлерді жұмыс уақытында демалып отыр деп видеоға түсірген тұрғынға қатысты әкімшілік хаттама толтырылды, деп жазады inbusiness.kz сайты.
Әйелге екі бап бойынша хаттама рәсімделген. Оның бірі – ұсақ бұзақылық. Ал екінші хаттама итін тұмылдырықсыз серуендетуіне байланысты жасалған.
Осы құқық бұзушылық үшін тұрғынға 10 айлық есептік көрсеткіш, яғни 43 250 теңге көлемінде айыппұл салынған.
Кейін Алматы әкімдігі қызметкерлердің сол уақытта 2 сағаттық заңды түскі үзілісте болғанын хабарлаған.
Оқиға әлеуметтік желіде қызу талқыланып, желі қолданушыларының пікірі екіге бөлінді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
