Алматыдағы Телемедицина орталығындағы дәрігерлер 3527 науқасқа кеңес беріп, стационарлардан шыққан 49 адамды бақылауына алған, деп хабарлайды inbusiness.kz.
Орталыққа күн сайын 2500-3000 кіріс және шығыс қоңырауы түседі.
Осы уақытқа дейін 52 158 қоңырауға қызмет көрсетілді. Телемедицина орталығы үйде ем қабылдап жатқан COVID-19-бен ауратын науқастарға көмек көрсету мақсатында 2020 жылғы қыркүйек айында ашылған болатын. Орталық COVID-19-бен ауратын науқастарға, сондай-ақ қауіп тобындағы адамдарға қашықтан кеңес береді.
"МСАК ұйымдарының мамандарымен жүргізілген офлайн кеңестен соң, орталық мамандары онлайн түрінде кеңес береді және үй карантиніндегі COVID-19-бен ауратын науқастарға мониторинг жүргіземіз. Ем қабылдау үшін ауруханаға жатқызатын көрсеткіштер болған кезде орталық мобильдік бригада немесе жедел жәрдем шақырады. Науқастарға тиісті медициналық көмек көрсету үшін стационарларға жібереміз", – деді ТМО басшының міндетін атқарушы Жұлдыз Бауыржанқызы.
