/img/tv1.svg
RU KZ
«Алматы Жастары 3.0» бағдарламасының аясында 188 тұрғын жеңілдетілген шарттармен пәтерлерін алды

«Алматы Жастары 3.0» бағдарламасының аясында 188 тұрғын жеңілдетілген шарттармен пәтерлерін алды

Қала әкімдігі тарапынан бағдарламаны жүзеге асыру үшін 10 млрд теңге бөлінген. 

08 Тамыз 2020 16:21 200

«Алматы Жастары 3.0» бағдарламасының аясында 188 тұрғын жеңілдетілген шарттармен пәтерлерін алды

Бұл туралы Алматы қаласының өңірлік коммуникациялар қызметінің алаңындағы онлайн брифинг барысында Алматы қаласының Тұрғын үй саясаты Басқарма басшысының орынбасары Айбек Сайделдаев және Қазақстан Тұрғын үй құрылыс жинақ банкінің Алматылық филиалы директорының орынбасары Данагүл Тілеуберліқызы айтты.

Алматы қаласының әкімі Бақытжан Сағынтаевтың бастамасымен әлеуметтік салада қызмет ететін жастарға арнап несиелендіру талаптары барынша жеңілдетілген «Алматы Жастары 3.0» жеңілдетілген несилендірудің қалалық бағдарламасы іске қосылғанын еске саламыз. Бұл - денсаулық сақтау, білім беру, мәдениет, спорт, сонымен бірге ЖОО мен ҒЗИ, журналистер және әлеуметтік саладағы басқа да қызметкерлер.

«2020 жылы барлығы қалалық «Алматы жастары 3.0» (1000 пәтер) және республикалық «Бақытты отбасы» бағдарламаларының аясында 3,5 мың пәтер бөлу жоспарлануда. Биылғы жылдың бірінші жартыжылдығында осы екі бағдарлама бойынша 343 отбасы баспаналы болды. Оның ішінде 188 пәтер «Алматы жастары 3.0» бағдарламасы және 155 пәтер «Бақытты отбасы» бағдарламаларының аясында», - деді Айбек Сайделдаев.

Ол 188 пәтерден 82-сін білім саласының қызметкерлері, мәдениет саласынан -12, ЖОО және ҒЗИ қызметкерлерінен – 23, БАҚ қызметкерлерінен – 11 адам баспаналы болғанын айтты.

Қала әкімдігі тарапынан «Алматы 3.0» бағдарламасын жүзеге асыру үшін 10 млрд теңге бөлінгенін атап өту керек. Тұрғын үй құрылыс жинақ банкі тарапынан 3 млрд теңге бөлінген.

ТҚЖБ Алматы филиалы директорының орынбасары Данагүл Тілеуберліқызының хабарлауынша, биылғы жылы осы сомаға 1000 отбасыны қамтамасыз ету жоспарлануда.

«Әкімдік тарапынан биылғы жылы жақсы сома 10 млрд теңге бөлінді. Оған дейін бөлінген сома әлдеқайда төмен. ТҚЖБ тарапынан 3 млрд теңге бөлінді. Барлығы осы 13 млрд теңгеге «Алматы жастары 3.0» бағдарламасы бойынша 1000 отбасыны қамтамасыз ету жоспарлануда», - деді Данагүл Тілеуберліқызы.

 

Маңғыстауда 120 отбасы баспаналы болды

Әрқайсысы 24 пәтерлі 5 үй «Нұрлы жер» бағдарламасымен салынған.

18 Қазан 2019 17:50 686

Қарақия ауданы Құрық ауылында 120 отбасы пәтерлі болды, деп хабарлайды ҚазАқпарат.

Әрқайсысы 24 пәтерлі 5 үй «Нұрлы жер» бағдарламасымен салынған. 4 қабатты үйдің құрылысы 2018 жылы сәуірде басталған.

«Әр пәтерде 2 бөлме бар, олардың аумағы әртүрлі, 53 шаршы метрден 55 шаршы метрге дейін. Тұрғын үйге 835 млн тг жұмсалды. Қаражаттың 10 пайызы – жергілікті бюджеттен, 90 пайызы – республикалық бюджеттен бөлінді. 5 үйдің жалпы аумағы – 6755 шаршы метр»,– дейді Қарақия ауданы әкімінің орынбасары Гүлмира Қылаубаева.

Баспана әлеуметтік көпбалалы отбасылар мен мүмкіндігі шектеулі жандарға берілген.

Игі шараға қатысқан облыс әкімі Серікбай Трұмов тұрғындарды қуанышымен құттықтады.

«Игілікті істің куәсі болып отырмыз. Биыл Маңғыстауда 1 млн 200 мың шаршы метр үй пайдалануға берілді. Құрық ауылының бас жоспарына сәйкес, балаларға білім беретін мектеп салуды жоспарлап отырыз. Сумен қамту, кәріз жүйелерін тазалау бойынша жобаларымыз бар. Құжаттары жасалуда. Мұнай іздеу бойынша да жоспарлар жоқ емес. Тағы бір компания құрылып, іске кірісіп жатыр»,– деді Серікбай Трұмов.

Келесі жылы Қарақия ауданы Жетібай ауылында 144 пәтерлі тұрғын үйдің құрылысы жоспарланып отыр. Жобалық-сметалық құжаттары дайындалған.

Жыл соңына дейін жаңа тұрғын үй бағдарламасы бекітіледі

Ол бес мәселені шешуге бағытталмақ.  

07 Қазан 2019 17:45 994

Елімізде жаңартылған «Нұрлы жер» бағдарламасы қабылданады. Бұл туралы индустрия және инфрақұрылымдық даму министрі Бейбіт Атамқұлов мәлімдеді.

«Жыл соңына дейін жаңа бағдарлама бекітіледі. Ол бес мәселені шешу бойынша жұмыс істейді. Яғни, бірыңғай тұрғын үй саясатын жүзеге асыру, халықты сапалы ауыз сумен қамту, коммуналдық саланы дамыту мен жаңарту, тұрғын үй қорын толығымен қайта жөндеу және құрылыс саласын дамыту»,– деді Бейбіт Атамқұлов.

Министрдің сөзінше, жаңа бағдарламаның негізгі мақсаты жұмыс істейтін әрбір қазақстандықты жеке пәтермен қамту.

«Бағдарламаларға қатысудың нақты талаптары бекітіледі. Оның негізгісі - халықтың табысы. Табысы жоқ немесе отбасының бір ғана мүшесінің табысы бар кезекте тұрғандарға сатып алу құқығы жоқ пәтерлер жалға беріледі. Яғни, әлеуметтік осал топтың ішінде іріктеу жүргізіледі. Оларға арналған сатып алу құқығы жоқ пәтерлер құрылысы жалғаса береді. Ал өзгелер үшін 2%-бен берілетін «Бақытты отбасы» бағдарламасы қала бермек»,– деді Бейбіт Атамқұлов.

Сонымен қатар, министр «Бәйтерек» холдингінің тұрғын үй бөлімін оңтайландыру бойынша - «Байтерек девелопмент», Қазақстан ипотекалық компаниясы және Тұрғын үй құрылысын кепілдендіру қорын біріктіру жұмыстары жүргізіліп жатқанын атап өтті.

«Жобаның барлық сатысында бір оператор кешенді қолдау білдіреді. Атап айтқанда, жоспарлау кезеңінен бастап, инжинириг, цифрлы бақылау, кейінгі пайдалануға беру уақыты»,– деді министр.

Бейбіт Атамқұлов еліміздің екі өңірінде тұрғын үй құрылысының баяулағанын да атап өтті.

«Биылғы жылдың қаңтар-тамыз айларында 7,6 млн шаршы метр, яғни, 65,8 мың тұрғын үй пайдалануға берілді. Өткен жылдың осы кезеңіндегі көрсеткіштермен салыстырғанда тұрғын үйлерді пайдануға беру көрсеткіштері Нұр-Сұлтанда – 33,4%-ға, Маңғыстау облысында – 9,5%-ға баяулаған»,– деді министр.

Құралай Құдайберген