Алматы қаласының әкімдігі "Алматы жастары" қалалық жеңілдетілген несие беру бағдарламасына қатысуға өтінімдерді қосымша іріктеу туралы хабарлайды, деп жазады inbusiness.kz.
"Бұл жолы бағдарламаға байқаудың іріктеу кезеңінде (2022 жылғы 18 мамырдан 1 маусымға дейін) өтініш берген, бірақ құжаттың дұрыс толтырылмауына, рәсімделмеуіне байланысты өтпеген өтініш берушілер ғана бағдарламаға қатыса алады", – деп хабарлады шаһар әкімдігі.
Барлығы 1 000 қарыз қарастырылып, төлем қабілеттілігі бойынша 863 несие мақұлданды. Қалған 137 орынға бұрын құжат тапсырған 5 225 қатысушы үміткер бола алады.
"Ол үшін 2022 жылдың 10-14 қазаны аралығында almaty-zhastary.kz сайты арқылы өтініміңізге өзгеріс енгізіп, құжаттарды тізімге сәйкес жаңарта аласыз. Анықтама телефоны: +7 (727) 225 14 57", – деп нақтылады әкімдіктің баспасөз қызметі.
