Алматы қаласының бас санитар дәрігері Жандарбек Бекшин жаңа қаулыға қол қойды. Құжатқа сәйкес жұмыс күндері сауда ойын-сауық орталықтары, сауда үйлері мен сауда желілері сағат 10.00-ден 20.00-ге дейін ғана келушілерді қабылдаса, демалыс күндері олардың қызметіне тыйым салынады. Осылайша демалыс күндері жабық базарлар жұмыс істемейді.
"Жұмыс күндері сағат 17.00-ге дейін қызмет етуге рұқсат етілді. Қоғамдық тамақтану объектілері де сағат 9:00-ден 20:00-дейін ғана келушілерді қабылдайды", - деп жазылған қаулыда.
Алайда олардың толымдылық деңгейін 50%-дан асыруға тыйым салынған. Бұл ретте әдеттегідей карантин талаптары сақталуға тиіс. Олар әлеуметтік арақашықтық, бет берде тағу. Бұған қоса сауда және ойын-сауық орталықтары мен сауда үйлерінде орналасқан фуд-кордтардың қызметіне де шектеу қойылады. Енді қоғамдық тамақтану орындары сағат 7:00-ден 20:00-ге дейін ғана дайын тамақты үйге жеткізу форматында ғана жұмыс істейді.
Құралай Құдайберген
