Бұл туралы Қоғамдық денсаулық басқармасының басшысы Камалжан Надыров мәлім етті.
"Эпидемия басталғаннан бері қалада жалпы 3 530 жағдай тіркелді. 2 178 адам сауығып, емделіп шықты. Қайтыс болғандар саны – 23. Бүгінде қала стационарларында 1 398 науқас ем алып жатыр.
Ауырлық дәрежесі бойынша өте ауыр хәлде 19 адам, ауыр дәрежеде – 173, орташа дәрежеде – 1044 және қанағаттанарлық жағдайда 162 адам тіркеліп отыр", – деген басқарма басшысы шаһар стационарларында ем қабылдап жатқан науқастардың жай-күйіне тоқталды.
"Тек өткен аптада ауруханаларға жатқызу мен жедел-жәрдем қызметіне қоңырау шалу саны екі есе артқан болатын. Талдау 20-29 жас аралығындағы адамдардың ең жиі жұқтыратынын көрсетеді – 35% жұқтырғандар, 60 жастан асқан адамдар – 9%. Жалпы динамикада дерттің ауыр және өте ауыр дәрежеде өтіп жатқан пациенттердің көбеюі байқалады. Бүгінгі күні өкпені жасанды желдету аппараттарына 11 науқас, өкпенің инвазивті емес жасанды желдетуге – 15 адам қосылды. Алматыдағы коронавирустық инфекцияға байланысты жағдай шиеленісті, бірақ бақылауда", – деді ол.
