Алматыда заңсыз сауда нысандарын бұзу жұмыстары жалғасып жатыр, деп хабарлайды inbusiness.kz сайты.
Осы жылдың 4 ақпаннан бастап көше саудасы нысандарын бұзу жұмыстары жүріп жатыр. Қазір мемлекеттік қор жерлерінде орналасқан 290 сүрілді. Қалған 210-ы 15 наурызға дейін бұзылады. Коммуналдық қызметтер бұл нысандарға заңсыз қосылған инженерлік желілерді ажыратады.
– Сондай-ақ, осы жұмыс аясында 222 ойын-сауық аппараты (силомерлер) жойылды. Бұған қоса, қалада жер учаскелеріне мықтап бекітілген 32 күрделі құрылыс анықталды. Жұмыс тобы оларды мәжбүрлі түрде бұзуды ұйымдастыру мақсатында сотқа талап-арыз жіберуге бастамашылық жасады, – деп хабарлады әкімдіктен.
Заңсыз стационарлық емес сауда нысандарын анықтау және оларды бұзу жұмыстарын Алматы қаласының Кәсіпкерлік және инвестициялар басқармасы мен аудан әкімдіктері жүргізеді.
Айта кетейік, қалада 157 стационарлық емес сауда нысандарын орналастыруға арналған 142 орын бекітілген.
