/img/tv1.svg
RU KZ
Алматыда 60 «ақылды» бағдаршам орнатылады

Алматыда 60 «ақылды» бағдаршам орнатылады

Пандемия үшін жаңа құрылғыны іске қосу мерзімі шегерілді. 

07 Тамыз 2020 13:55 137

Алматыда 60 «ақылды» бағдаршам орнатылады

2022 жылға дейін мегаполисте 450 бағдаршам орнату жоспарланып отыр. Бірінші кезеңде, яғни, биылғы жылдың аяғына дейін 60 камера қойылады. Жергілікті полиция департаментінің баспасөз қызметі хабарлағандай, жұмыс 2020 жылдың соңында аяқталуы тиіс болатын, алайда карантин салдарынан мерзімді жылжытуға тура келді. 2020-2021 жылдары Алматының 390 көше қиылысында «ақылды» бағдаршам орнатылады. 

Құрылғылар көлік легінің тығыздығын, бағыты мен жылдамдығын анықтап, жол қозғалысын реттейді. 

Жуырда Достық – Жолдасбеков және Сейфуллин – Төреқұлов қиылыстарына тәжірибе ретінде солға бұрылуға рұқсат беретін не тыйым салатын «қызыл плюс» секциясы орнатылады. Егер «+» жанса солға бұрылуға болады, ал өшіп тұрса, жүргізуші қарсы келе жатқан лекті өткізуге міндетті. 

Олжас Оқас 

Алматыда велошерудің жабылу маусымы өтеді

Бұл шара қазақстандық спорт журналисі Галина Полеваяға арналады.

19 Қазан 2018 13:58 530

Қазанның 21-і күні «Спорттық Алматы» бағдарламасы аясында велошерудің жабылу маусымы өтеді. Бұл шара қазақстандық спорт журналисі Галина Полеваяға арналады, деп  хабарлайды ақпараттық және спорттық ХАБ.

Танымал қазақстандық спорт журналисті Галина Полевая 20 жыл бойы «Хабар» телеарнасында тілші болып қызмет атқарған. Қазіргі таңда Галинаның денсаулығы нашарлап, ол онкологиялық аурумен күресіп жатыр. Оның емделуіне кез келген велошеру қатысушысы қаржылай көмектесуге мүмкіндігі бар.

Ал қала тұрғындары мен қонақтары таңертең сағат 09:00-де «Нұрлы Тау» бизнес орталығы маңында жиналады. Олар 09:30-да велошеруді бастап Әл-Фабари даңғылы бойымен жүріп 7,5 км қашықтықты бағындырады. Қатысушылар Тұңғыш Президенті саябағында велошеруді аяқтайды.

Сондай-ақ, мәреде барлық қатысушылардың арасында бағалы сыйлықтар мен 10 велосипедтер ойнатылады.

Ұйымдастырушылар өз тарапынан, қатысушыларға арнайы бас киімсіз (шлемсіз) қатысуға тыйым салынатындығын ескертеді.

Айта кетер жайт, бұл велошеру «Спорттық Алматы» бұқаралық спортты дамыту мақсатында жүзеге асырылған жоба аясында өткізіледі.

Халық Шерхан Мұртазаны ақтық сапарға шығарып салуға жиналды

11 Қазан 2018 11:40 808

Фото: inform.kz

Қазақстан халқы Алматыда М.Әуезов атындағы қазақ мемлекеттік академиялық драма театрында белгілі қаламгер, жазушы, жазушы Шерхан Мұртазаны ақтық сапарға шығарып салуға жиналды, деп хабарлайды ҚазАқпарат.

Жазушымен бақұлдасуға  зиялы қауым өкілдері, жазушылар, қаламгерлер, Алматы әкімі Бауыржан Байбек, ҚР мәдениет және спорт министрі Арыстанбек Мұхамедиұлы келді.