Алматы қаласында 5 сәуірден бастап мопедтерді пайдалануға қойылатын жаңа талаптар күшіне енгеннен бері 800-ден астам мотокөлік мамандандырылған айыптұраққа жеткізілді.
Сәуір айының басынан бері мопед жүргізушілері 2 600-ден астам жол қозғалысы ережесін бұзған.
Құқық бұзушылықтарды анықтау "Қауіпсіз жол" жедел-профилактикалық іс-шарасы аясында жүргізілді.
– Жаңа талаптар енгізілгелі бері құжаттарын рәсімдеуге ниет білдіргендер саны артып келеді. Дегенмен, заңға бағынбай, көлігін тіркемей жүргендер де жоқ емес. Азаматтарды мотокөліктерін уақтылы заңдастырып, қауіпсіздікті қамтамасыз етуге шақырамыз. Бұл – тек заң талабы емес, ең алдымен жүргізушінің және айналасындағылардың қауіпсіздігіне қатысты мәселе. Тіркеу процесі әлі де жалғасуда. Барша азаматқа өз көлігін ережеге сай тіркеуге мүмкіндік бар, – деді Жергілікті полиция қызметі басқармасының бастығы Серік Шумаев.
Полиция өкілдері мопед иелерін заң талаптарына жауапкершілікпен қарап, көліктерін тіркеуге асығуға шақырып отыр.
