"Ақбұлақ" кемпинг аймағы тау демалысын, трекингті, хайкингті және шатыр тігіп, ұзақ уақыт серуендеуді ұнататындарға арналған жабдықталған жазғы лагерь.
Туристерді қызықтырар жаңа нысан мегаполиске жақын жерде "Медеу" жолында көркі көз тартар "Көкжайлау", "Үш ағайынды", "Құмбел" және т.б. танымал тау бағыты бар Ақбұлақ ("Просвещенец") шатқалына орналасқан.
Кемпинг аймақта жайлы әрі қауіпсіз демалуға барлық жағдай жасалған, 5 шатыр, жайлы самалжайлар, орындығы бар үстелдер, ұлттық нақыштағы "Алтыбақан" әткеншектері бар.
"Ақбұлақ" - соңғы жылдары Алматы қаласы туризм басқармасы ашқан жетінші кемпинг аймақ. Жыл соңына дейін тағы екеуін ашу жоспарланған.
Алматы қаласының туризм басқармасы демалушылардан табиғатты аялауды, тауға қоқыс тастамауға шақырады әрі тауға шығу кезінде қауіпсіздік ережесін сақтауды еске салады:
- Тауға бара жатқанда, жақындарыңызға бағытыңыз туралы хабарлау қажет.
- Ауа-райына сай киініп, күн сәулесінен қорғаныңыз. Қажетті жабдықты, бас киімді, суды, портативті қуаттағыш пен қуатталған телефон алып шығыңыз.
- Тау соқпағынан басқа жаққа шықпаңыз.
- Құтқару қызметінің SMS ескертулеріне мән беріңіз.
