Алматыда "Ақкент" тұрғын үй кешеніндегі тоғыз қабатты тұрғын үйдегі пәтерлердің бірінен өрт шықты, деп хабарлайды inbusiness.kz тілшісі Алматы қалалық Төтенше жағдайлар департаментіне сілтеме жасап.
Бүгін кешкі 19:29 минут шамасында 101 пультіне Алматы қаласы Алатау ауданы Ақкент шағын ауданындағы тоғыз қабатты тұрғын үйден өрт шыққаны туралы ақпарат түсті.
"5-ші қабаттағы пәтердің ас бөлмесінде түтін сорғысы өртеніп, қызыл жалын 0,8 шаршы метрді қамтыды. №2 өрт дәрежесі расталмады. Зардап шеккендер жоқ", - делінген қалалық ТЖД баспасөз қызметінің хабарламасында.
Департамент мамандары азаматтарды өрт қауіпсіздігі ережелерін сақтауға шақырады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
