ALA жазуы ғарыштан көрініп, Алматы бағы Гиннестің рекордтар кітабына енуі мүмкін. Әріптер формасындағы бақ әуе кемесі қонуға дайындалғанда борттағыларға көрінетіндей етіп отырғызылып жатыр.
"Дүниежүзілік тарихта қалуға тырысамыз. Бұл бірегей орын Гиннестің рекордтар кітабына ең үлкен сөз ретінде кіре алады", - дейді жоба авторы, продюсер Дәуіт Шайхисламов.
Автордың айтуынша, 3 гектардан аса алқапқа 2,5 мың екі метрлік арша отырғызылған.
"Ағаштар – болашақ ұрпаққа мұра. Олар ондаған жылдар бойы өсіп, жасыл желекті қалыптастырып, ең маңызды адами құндылықтарды бейнелейді. Біз осы арқылы біз қалаға деген сүйіспеншілігімізді білдіреміз", - дейді Дәуіт Шайхисламов.
Қоғам белсенділері ертең Алматы әкімдігімен бірлесе ALA бағын отырғызуды аяқтайды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
