Алматыда 24 жастағы мопед жүргізуші арбадағы 3 жасар баланы қағып кетті. Бұл туралы қалалық полиция департаментінің баспасөз қызметі хабарлады, деп жазады inbusiness.kz.
Ақпаратқа сәйкес, жол-көлік оқиғасы 1 қараша күні сағат 20.25-те Бостандық ауданында болды.
"24 жастағы мопед жүргізушісі Сәтбаев көшесіндегі веложол бойымен шығыс бағытқа қарай келе жатып, Брусиловский көшесінің қиылысында үш жасар қыз бала отырған арбаны қағып кетті", - делінген хабарламада.
Қыз бала қалалық балалар ауруханасына жеткізілген.
Қалалық полиция департаменті бұл дерек өндіріске қабылданғанын жеткізді.
"Тиісті сараптама тағайындалады және мопед жүргізушісіне қатысты шаралар қабылданады", - деп хабарлады ПД.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
